女神岑麗香（香香）今月初宣佈懷孕五個月，由人妻升呢做準媽媽，接受訪問時都將「開心」、「滿足」掛喺嘴邊，可見香香幸福滿瀉！
早前出席活動時講到佗B更笑到見牙唔見眼！
同老公強強真係好Sweet！
有強強做護花使者嘅佢，原來最近飛咗去美國夏威夷度假，佢仲一口氣上載多張相透露行程添！
面對陽光與海灘，香香就算大住肚都照換上一身比堅尼，大騷白滑玉背同長腿。
不過佢就齋晒背影，搞到大家都見唔到佢個肚仔。網友見到啲相之後都睇到心心眼，大讚景同人一樣咁靚！仲話好想睇吓香香着泳衣晒肚仔，同佢肚中嘅小Baby「見一面」。
轉個頭佢就上載呢一張佢瞓喺泳池邊嘅正面相，不過就低調好多，換上一身長袖衫長褲，腹部略見微隆，又標示係當地時間早上7點幾，連放假生活都好有規律，不忘為BB Get Ready！身體好自然BB都健康啲～
(綜合報道)
