現時懷有身孕嘅李亞男早前已舉行Baby Shower，迎接腹中女兒來臨（相關新聞：https://goo.gl/34nLCB）。
預產期就喺今個月，就快「卸貨」啦！
依家好多準媽咪都會影低孕照，紀念BB出生嘅媽媽大肚樣，有啲比較大膽嘅，就全裸上陣啦，可能呢排冬天凍，準媽咪李亞男就着多兩件衫，只係打出個大肚出嚟影相留念。
佢今日喺Instagram PO咗三張孕照。相中見佢穿上不同造型服飾，其中一張身穿比堅尼騷巨肚之餘，上圍明顯豐滿了不少，雖然腹大便便，但手腳依然纖幼。
其中一款係佢着白色貼身長裙，細睇發現原來係大露背，更穿上高踭鞋，展現出孕婦美態！網民大讚佢係索爆孕媽。
亞男個肚好圓好滑，真係得天獨厚！
佢仲用英文留言話：「Every moment with my girl is precious」（與我的BB女一起的每一刻都是寶貴的），愛女之情，溢於言表。
之前都曬過孕照，同王祖藍好Sweet呀（相關新聞：https://goo.gl/tssRDP）！
