藝人蕭正楠於台慶頒獎禮中正式公開黃翠如已成為「蕭太」這個喜訊，頒獎禮完畢後，阿蕭於好友曹永廉陪同下齊齊接受訪問，問到何時結婚時，阿蕭表示是今年四、五月的事，二人於新西蘭旅行結婚。
問他怎樣向翠如求婚時，他笑言想起都覺得瘀，因為第一次是失敗的，他謂：「當時我係同翠如玩過山車時求婚，仲搵咗全歐洲最快嘅過山車，點知上到去佢好驚，我攞起隻戒指叫佢望，佢死都唔肯望，我又驚隻戒指跌喎，最終終止呢個行動，所以第一次失敗咗。」
過山車求婚都幾艱辛，但最終抱得美人歸！
說到第二次求婚，阿蕭又謂：「你哋不如問佢啦！內子比較怕羞，我都唔想講太多，我都想用一個簡單方式完成，註冊後一直都想同大家講，但中間發生好多喜事，嘉穎又結婚、跟住到展鵬結婚，突然間陳凱琳又有咗，咁又講唔到，所以覺得今日係好好嘅時候講出嚟！」
阿蕭指二人於新西蘭註冊，當時只有他們兩個人，但事前已知會父母，問之後會否擺酒…
他謂：「再諗啦！決定得旅行結婚都係想低調啫！（點解揀新西蘭？）咁我又唔知呀！佢係旅遊達人嚟，係佢揀的，好辛苦先夾到期去，公證人都係當地搵㗎。」
相關新聞：
【宣佈婚訊後】蕭太黃翠如首發文：他就是那一個人 https://goo.gl/sUpwkX
【頒獎禮變婚禮】蕭正楠黃翠如宣佈喜訊 全港感動見證 https://goo.gl/AZqn5S
（綜合報道 / on.cc）
