日前佢上載一張婚紗相上社交網，旁邊由蔡卓妍（阿Sa）擔任伴娘，隨即有網民喺討論區留言祝佢新婚快樂！
寫住：「同大家宣布：我結左婚啦！多謝我既伴娘同一班好姊妹悉心既照顧！我下年英國古堡再擺酒請大家呀下，等我張帖呀」
仲有埋結婚短片
雷深如（J.Arie）噚晚擔任麥花臣場館舉行《藝。派對》表演嘉賓，佢近日發生咗呢個美麗的誤會。
J.Arie笑住解釋：「真係一個美麗的誤會，嗰張係劇照，因為電影《原諒他77次》拍續集，所以我將上次張劇照上載，因為我嗰角色係延續上次結婚後，今次生埋小朋友。再加上除咗容祖兒、Yumiko（鄭希怡）同阿嬌（鍾欣潼）先會有阿Sa做伴娘。」
呢個「美麗的誤會」甚至連佢父母同細佬都唔知，要問番佢發生咩事，J.Arie笑指收到大家祝福，但短期內未能成事，因為連最重要的男主角都未有，加上現時想珍惜工作上遇到的機會，起碼35歲先結婚，生仔就再看情況。
今次開拍續集係好短時間內通知，佢話：「個角色係好鍾意炫耀自己，同我性格好唔同，始終係兩年前角色，所以我要好快去投入角色性格，亦有參考身邊愛炫耀自己嘅朋友舉止去演。」J.Arie當初沒想過有機會演戲，所以每次有機會演出都放盡去做，好似今次角色便大癲大肺去做。
(ig / 綜合報道 / apple daily)
