曾經是乒乓球香港代表隊的陳展鵬，可謂發揮了他的強項，與現役球員對打為《東華》籌款，打得有板有眼，最後籌得30萬。
事後展鵬受訪，他說：「冇乜時間練習，因為香港球員水平好勁，我排練時係用公司提供嘅球拍，但唔掂囉，要即刻速遞塊私家板嚟先OK！」
又被問到是否因爲需要陪伴大肚老婆單文柔才沒有時間練習，他說：「要啦！我又快要開劇，好多嘢準備。（會押後？）唔會啦，不過押後都好，可以做多啲自己嘢，練體能咁，依家啲劇打得好勁！（要出埠？）要呀！（會掛住太太？）OK嘅，最緊要交代好，太太家人隊團好勁，第時小朋友實好多人錫！」
那麽知道是仔定女？單文柔早前在社交網晒BB裙照，留言：「我鍾意白色，好乾淨的感覺，唔知小豬比鍾唔鍾意」？
單文柔被指疑暗示佗女的她隨後回應，解釋其實是贊助商送禮，對方也不知佗B仔還是B女，之前都曾貼過他們送的禮物，她一開始只見到有張被仔，沒有為意是裙仔還是褲仔，其實BB褲仔、裙仔兩款都有，又因最近朋友送禮物頗多，她還未分類，只大概影了一張相片。
「知㗎啦！但想賣個關子，等適 當先講，想低調啲，唔想老婆太多嘢煩，唔想有產前抑鬱，因為之前有贊助送好多送粉紅色嘢畀我哋BB，大家以為係女，搞到好多人問，我唔想佢顧累太多，所以我同大家講唔使送嘢啦，BB車都有兩架！」
似乎陳展鵬很擔心太太單文柔，不過有他貼心的陪伴，應該不會有事的！
（綜合報道）
