剛宣佈懷孕嘅單文柔，今日到西環出席活動，雖然腹部開始微隆，但佢仍然無懼，着住對四吋高踭鞋現身。
嚟緊聖誕節，單文柔話已經開始幫BB揀衫，問佢係揀定男仔定女仔嘅顏色？
佢話：「乜顏色都會揀。」 至於問到佢陀仔定陀女？懷孕幾個月呢啲問題時，佢就話：「畀多少少時間我哋，講得嘅時候一定會同大家公佈。」
對於老公陳展鵬早前指，如果生仔就叫「小煎Pan」、生女就叫「陳皮梅」。
單文柔話：「兩個名都好特別，自己其實仔女都OK，曾經有諗過希望生龍鳳胎，咁就可以一次過收工。」
飲食方面，單文柔話自己本身好鍾意食甜嘢，但依家懷孕後老公就禁止佢再食：「成日都好想食，但佢依家每日都叫我唔好食甜嘢同雪糕，每日都同我喺度拉鋸緊。」至於會唔會再刻意減少工作量，佢話唔會：「工作方面都係睇公司安排，如果有工作會好開心，老公亦都冇刻意叫減產。」
（apple daily）
