同男友拍拖唔係好耐，不過佢坦言認識對方就好啱timing，正正就係「在對的時間遇上對的人」，所以決定閃婚！
新娘子表示：「行禮當日，一切都好似睇戲咁，只係自己做主角。因為婚禮由婚禮公司負責，參加婚禮的都是雙方的家人和兄弟姊妹，所以我們心情都好輕鬆，唔會緊張。」
香港開電視藝人李麗珊（Lisa）上星期六同圈外男友喺日本沖繩舉行婚禮，恭喜恭喜！
一對新人做足準備已經綵排過，諗住會順順利利，點知到正式行禮嗰陣，當Lisa蹺住爸爸慢慢步入教堂，見到爸爸雙眼通紅，估唔到連自己都忍唔住喊咗出嚟：「喺爸爸將我隻手交畀未婚夫嗰刻，見到爸爸雙眼通紅，我即時『中箭』，眼淚鼻水一齊流出來……嗰一刻可以話係人生中最感動嘅畫面，眼淚自動流落嚟，強忍都搞唔掂。」
好感動～相信好多新娘子都有同樣嘅感受！
Lisa話直到o依家睇番行禮片段都會忍唔住喊。
恭喜升呢做人妻！
(綜合報道)
