太陽娛樂揸弗人周焯華（洗米華）嘅大仔周柏豪，一向都好錫兩個同父異母嘅妹妹周梓潼、周羨潼。
16嵗大妹周梓潼
3嵗細細妹周羨潼
生意搞得有聲有色
家庭方面，雖然同兩位妹妹年紀相差一段距離，同最細個妹羨潼年紀相差成接近20年。不過工作忙碌嘅佢一有時間就會返屋企陪妹妹玩。
好似琴日佢就喺社交網上載咗兩段片，片中佢同三歲細妹周羨潼玩，第一條片影住3嵗羨潼企喺度拆緊份公仔禮物。
而柏豪哥哥坐梳化邊播住音樂邊rap歌同細妹講︰「BB不如過嚟同我玩Hello Kitty好唔好。」羨潼就答佢︰「梗係唔好啦，我要玩。」哥哥問︰「玩啲乜？」細妹話︰「玩Hello Kitty。」
羨潼同哥哥齊齊開心Rap。之後柏豪企起身行埋去細妹身邊問︰「Hello Kitty究竟係乜嘢顏色？」細妹好認真望下公仔，然後用好嬌滴滴嘅聲調答︰「係粉紅色。」
柏豪哥哥仲問細妹︰「點解你個樣咁鬼得戚？點解又識freestyle rap，ABCD…」細妹接住話︰「EFG」柏豪望住鏡頭笑得好開心。最後羨潼好似嫌哥哥阻住自己玩Hello Kitty玩具，所以用隻手仔撥開哥哥部電話，真係好搞笑！
片段如下：
另一條片就係柏豪哥哥坐喺地下，打開本有圖畫嘅故事書，同羨潼rap住講英文故事，羨潼就好乖咁企住聽，其間柏豪哥哥問羨潼︰「你鍾唔鍾意曲奇餅？」細妹邊跳舞邊答︰「鍾意，鍾意。」
而柏豪就喺兩條片都有留言寫住︰「Baby Rap！」同「Freestyle storytime！」呢位大哥哥真係唔話得，幫後母洗米嫂手照顧細妹，兩兄妹仲玩得好開心添！
片段如下：
雖然呢對兄妹年齡相差十八年，但呢十八年絲毫無阻兩兄妹深厚感情嘅建立，無代溝之餘，兩人感情反而仲越來越好，當然同後母洗米嫂陳慧玲就更加親密，在此祝福洗米華同洗米嫂一家人永遠幸福快樂！
（ig / 綜合報道）
