好難過，佢更忍唔住喊，片中見佢扁晒嘴，頻頻用手抹眼淚。。。
歌手何雁詩（Stephanie）先前飛到美國洛杉磯報讀演藝課程，佢尋日喺社交網表示已經完成四星期嘅課程。
佢喺洛杉磯一直邊玩邊學習，生活多姿多采，佢仲帶朋友去打邊爐，又教大家炸響鈴落3秒就食得。不過開心嘅時光過得特別快，話咁快就要返香港。
Stephanie呢日佢喺社交網上載多張同朋友嘅合照，因為佢好唔捨得喺當地認識嘅朋友，臨走時更難過到喊。片中見到佢扁晒嘴，頻頻用手抹眼淚，一旁嘅朋友都顯得難捨難離。
Stephanie並英文留言話：「我唔知點解我會喊，我已經大個女喇！我好憎自己咁愛你哋！各位再見，我哋會再見！」
(on.cc)
