37歲大陸女星范冰冰捲入「陰陽合同」逃稅案，被要求在限期前繳清8.83億元人民幣（約10億港元）欠稅及罰款，演藝事業幾乎全面停工，近日繼續潛水，不過有粉絲最近喺微博晒出范冰冰於9月份嘅慶生相。
今日有大陸傳媒報道，指有粉絲在微博晒出范冰冰於9月份嘅慶生相，仲話當時冰冰仍受到逃稅風暴困擾！
相中冰冰着灰色薄樽領衫，手捧一大紥紅玫瑰，面露笑容，仲嘟嘴摸面仔，睇嚟氣色同心情都唔錯！
留意番佢身邊啲人，個個都着上長袖衫，仲有啲人戴住冷帽添！
相片一出，有網民就好疑惑，直指究竟係咪真係慶祝生日嘅相，又指9月份着長袖同戴冷帽好罕見，仲有人留言質疑：「9月份穿毛衣戴帽子」、「假的，這是去年工作結束後，冰冰和工作人員的合影。」
事實上，冰冰涉逃稅風暴消失123日後，上月被官方公佈其三宗罪，要求繳交約10億港元稅項及罰款換回自由，毋須入獄。冰冰火速在微博「翻生」，公開道歉。
(綜合報道)
