藝人葉翠翠婚後成功兩年抱兩，先後誕下兩個仔仔，老公錫到燶，一家四口樂也融融！

佢時不時都會喺社交網分享湊B日常，仲有各種扮靚養生、懷孕、坐月心得。

早前翠翠提過大仔幾個月大時，便開始受到鄰居的噪音騷擾，更因長期受滋擾及太擔心囝囝而導致睡眠不足，患有焦慮症及抑鬱症。

直至依家細仔已經幾個月大，但呢個問題依然每天存在，翠翠坦言已到管理處求救，情況依舊沒有改善，她大嘆：「自私的人太多！唔明白啲人點解明知影響到人，仍然依舊，搞完小王子，現時又搞小小王子。」

現時小小王子每晚點半及朝早六點都會給樓上的噪音嚇醒致爆喊，翠翠就話：「每逢呢兩個時間樓上都拉晒嘢，唔知拉乜，我估佢係開床瞓覺，問過佢哋可否貼吓床腳或早少少呢？依然係咁，拉嗰吓全屋都聽到、全間屋都震，細仔就正正瞓喺對下嗰個位置，直至成個彈起喺度喊，我同管理處講，我求吓佢哋可否輕力少少，個BB得幾個月大，但佢哋完全冇理會過。」

(綜合報道/on.cc)