仔仔Brendan早前一歲生日，杏兒同老公就為佢搞咗個生日P，圈中好友都有嚟同Brendan慶祝~
胡杏兒今日喺尖沙嘴出席服裝品牌活動，司儀讚佢性格獨立，佢話可能自己喺12歲出國讀書，一早就訓練獨立性格，不過做咗老婆之後，有時會喺老公面前扮蠢：「俾老公有啲位都照顧吓我，都要嗲吓，有時小鳥伊人，俾啲成功感佢。」
呢個月6號係胡杏兒嘅39歲生日，雖然係最後一次3字頭生日，杏兒話原意係想低調，不過老公同一班姊妹預咗同佢慶祝：「最後一次3次頭，唔想慶祝，難得姊妹們又得閒，其實最緊要一家整齊，身體健康，朋友喺身邊就好好。」
杏兒仲話：「我唔想收啲好特別嘅禮物，反而希望食極唔肥。」佢又話希望可以生多個，笑言老公咪要努力「送大禮」？杏兒話：「已好努力喇，但好忙，想越快越好，生仔或女冇所謂。」
(Apple daily)
