藝人林峯於今年三月承認已經同吳千語分手，結束五年情！
分手之後，二人嘅感情生活一直都備受關注，各自都有新嘅緋聞：
林峯被指同內地模特兒張馨月相戀；
而吳千語則被傳同身家過百億嘅施伯雄拍拖。
堂妹林夏薇同楊怡都爆料話見過張馨月，但林峯一直都冇承認過有關消息。
而吳千語就每次都答：「睇下緣份，睇下大家有冇多啲時間相處。」
不過，拖唔拍、飯都要食，今次有咩新女伴同林峯撐枱腳？
答案就係阿Sa蔡卓妍嘞！
阿Sa PO咗張同林峯同枱食飯嘅相，留言話：「早收工，食個靚飯先。」
張相一出，睇到網民嘩嘩聲！仲搞到啲粉絲大叫羨慕。
其實佢哋早前一齊拍攝網劇《PTU機動部隊》，二人都係飾演PTU警員，劇內劇外感情都係咁要好～
(綜合報道/on.cc)
