藝員黃心穎在將軍澳電視城為無綫新劇《法證先鋒IV》造型。
黃心穎將在新劇中與謝賢合作。
剛與男友馬國明到澳洲出席三家姐婚禮的她指婚禮很感動，期間不停爆喊。
心穎笑笑口咁話：「三家姐着裙褂出嫁，揭頭紗嗰吓唔使兩秒我已經喊到眼淚、鼻涕一齊流晒出嚟。」
黃心穎指家人沒有催婚，但看見爸爸健康不好有點傷感，她說：「當刻都想快少少，因為都想爸爸出席到我婚禮，但係冇壓力嘅，睇吓點先啦！」
問可有跟馬國明傾過結婚？她笑說：「冇講到咁遠，但係睇到人哋婚禮，都會鍾意簡單為主，唔想擺酒，好似三家姐咁簡簡單單同最親嘅親友一齊就好。」
講到被拍得馬國明為她挽手袋，黃心穎說：「咁啱我影緊相，平時都唔會，自己都唔鍾意男仔幫女仔攞手袋。」
(on.cc)
