黃翠如疑似未婚懷孕！？
藝人黃翠如在社交網玩直播，話第一次自己玩直播。
今次主要係分享女人唔補好易老，仲話之前飲過冬蟲水，但因太貴而冇繼續，最近則改為食滴雞精，但居然因此嚇親阿媽！
翠如話依家入秋、踏入易病季節，所以要打定底。之前叫過阿媽整雞精，整好之好放入雪櫃方便佢每日食用，但阿媽嫌麻煩、聽完就算。
最近經朋友介紹買滴雞精，試過覺得「好正氣」，又有原味同多種中藥口味，所以叫埋阿媽一齊食，點知阿媽見到就追問佢「係咪有咗」，話呢啲係大肚婆食㗎！
不過翠如澄清話飲滴雞精唔一定係因為有身孕先飲得，平時飲都對身體好有益。
至於直播地點，佢就話係朋友屋企間廚房，因為琴日約咗一大班朋友打邊爐，而最後男友蕭正楠為咗要翠如完結直播、快啲繼續打邊爐，索性入鏡同大家講拜拜添。
(on.cc)
