藝人湯洛雯（靚湯）與羅天宇早年因拍《愛·回家》而撻着，不過兩人拍拖四年始終未能開花結果，喺去年底因相處上有問題而分手。
分手後兩個都話再見亦是朋友，就好似啱啱31歲生日嘅天宇搞咗個生日派對，靚湯都有出席，似乎「情不變」！
呢日靚湯就喺社交網上載咗張靚女相，個眼神仲好似帶啲憂鬱，又好感性話：「愛累了，就放手，人累了，就休息，心累了，就淡然。」
似乎佢真的累了，好多網民都話靚湯呢番話似乎「有啲嘢」，不過有網民就話累了就停低休息，唔好將自己逼得太緊呀！
(on.cc東網)
【網民都話…】湯洛雯突然PO相：愛累了就放手
