受訪時她有感而發，重提當年被老公（當時男友）欺騙一事：「我對感情好認真，當時好似女偵探咁，畀我知道一啲嘢，好記得我拍緊嘢，企喺（電視城）一廠門口不停打電話。」
歌手吳若希直言懷孕期間面對老公仍未息怒：「我好癲、對佢好衰，試過朝早6點要食炒飯，間屋未住過都話唔鍾意，佢即刻答應再搵過地方。佢做咗好多嘢，真係對我好好。（即係囡囡幫咗爸爸等你哋修好？）都算㗎。（經歷咗咁多，有信心走到最後？）咁又唔敢講，希望係啦，嚟緊唔知發生乜事，但依家我好享受呢段關係。」
談到她日前現身馬場支持愛駒，她謂：「同朋友夾份，係我第一匹愛駒，佢出賽我會盡量出現支持，不過佢依家最叻都係跑第四！睇吓屋企環境啦，好咪再夾份買一隻囉。（好鍾意馬匹？）我係好鍾意動物，馬匹好有鬥心嘅話，我睇到會開心，同埋我哋唔會諗人道毀滅，佢哋退休會送返澳洲牧場。」
(on.cc)
