潘源良同李麗珍四度離合，潘源良今日被揭日前喺加拿大多倫多再婚，珍妹同樣亦喺加拿大居住，不過就同阿源一東一西，珍妹身在溫加華陪個女許倚榕讀書。
李麗珍多段感情中，最為人注目係同潘源良，佢兩個1986年合作電影《戀愛季節》相愛。潘源良當年喺新藝城做幕後，與新藝城力捧嘅「開心少女組」成員李麗珍唔同組，從來未有見面嘅機會，直至86年潘源良搵珍妹合作電影，兩人好快就撻著。
及後潘源良離婚，但與李麗珍未有發展。到咗1992年兩人再聚，當時潘源良計劃離開香港，分手告終；至2007年又再次碰面，再度復合，至2016年初分手。據傳分開理由是珍妹與前夫許愿所生的19歲女兒許倚榕，一直不接受潘源良。
著名詞人潘源良與李麗珍，由1986年《戀愛季節》開始，足足橫跨三十年，直至2016年6月宣佈第四次分手，緣份已盡。
潘源良今日宣佈在加拿大多倫多再婚。（相關新聞：https://goo.gl/qLK3F1）
事有湊巧，原來珍妹同樣亦喺加拿大居住，不過就同阿源一個喺東，一個喺西，珍妹身在溫加華陪個女許倚榕讀書。《蘋果》記者透過李麗珍好友聯絡珍妹，欲問佢對潘源良再婚回應，但珍妹透過友人表示：「不回應，謝謝。」
(apple daily)
