【正面照勁似爸爸】周杰倫囝囝一歲已經識撩女仔

台灣天王周杰倫老婆昆凌一向係廿四孝媽媽，佢近日就連飛到米蘭出席時裝周活動，都一樣「仔不離身」，帶埋一歲囝囝「小小周」去。呢日，佢喺社交網晒出一張抱住囝囝喺名勝古蹟前影嘅靚相，並留言：「難得我們兩個約會！」

相中見小小周着上黑白背心，影相時仲要唔望鏡頭，反而對住遠方擺chok爆表情，真係有爸爸嘅影子。

雖然佢黐實媽媽，不過當佢見到有另一位小妹妹經過嘅時候，就立即賣甩媽媽過去撩女仔，難怪昆凌都忍唔住留言：「怎麼把你放下之後就去找妹妹。」

(on.cc東網)