無綫小花陳凱琳（Grace）同鄭嘉穎前日（8月12日）喺峇里完婚，當日嘉穎已即時喺微博報喜指自己「成家了」！
相隔2天，榮升「鄭太」嘅Grace今日終於更新社交網，晒出多張未曝光過嘅婚禮靚相，除咗有兩人開心步出教堂嘅一刻，仲有一張係佢同嘉穎喺晚宴上，於舞台中間跳舞激吻嘅相，相當浪漫！
佢仲開心宣布正式成為「鄭太」喇，佢留言：「Starting a new chapter in my life as Mrs. Cheng（以鄭太的身份開始我人生的新一頁）」佢又不忘多謝婚禮團隊，以及所有到臨祝賀嘅親友，令佢有個咁難忘嘅回憶呀！
(on.cc東網)
