無綫小花湯洛雯（靚湯）同羅天宇去年年尾分手，唔經唔覺都就嚟分開咗半年有多！
不過琴晚兩人就各自喺ig story差唔多時間上載咗一張夜景相，乜咁啱呀？
湯洛雯11小時前上載呢張相，前面係ICC，即係喺九龍！
羅天宇相隔1小時上載，明顯喺尖沙咀一帶！
靚湯嗰張就係有個女仔企喺欄邊，但明顯矇矓，而後景相當清晰見到環球貿易廣場（ICC），即係位於九龍一帶，時間係11小時前！而另一邊，羅天宇就喺尖沙咀一頭，對面海係中環，時間係10小時前！
而咁橋前者就喺相上畫咗「♥HONG KONG」，後者就打卡，分手半年仲咁心有靈犀，夾都冇咁啱，唔通有啲嘢？
(facebook)
另外，睇落有啲肉地嘅羅天宇轉行肌男路線，佢喺Ig上載做Gym爆肌相，手瓜起𦟌谷到行，形象唔同晒！唔通諗住操Fit body同女神靚湯復合？
（ig / facebook / on.cc）
