藝人陳展鵬與台前幕後出席劇集《天命》大結局飯局，展鵬和譚俊彥、李施嬅、姚子羚及張國強齊齊為今次飯局「萬歲」。展鵬稱請客不是問題，因拍攝過程劇組好艱辛，但大家都好開心。
講到譚俊彥於明日（30日）生日，展鵬稱以可一舉幾得，睇結局又可為對方慶生：「大結局和珅都要死，所以皇上（譚俊彥）最開心，我搞足佢28日，佢終於唔使鼓起泡腮，我都唔記得佢生日。（最緊要記得女友單文柔生日？）係囉，在心中喇！（點解唔叫埋女友一齊嚟睇？）唔得……」
「（唔想睇住你死？）係都佢死先過我。（嘩？）因為我可以照顧佢嘛，佢成日都話我年紀大，人生經驗豐富，但我覺得唔係年紀大咗就會照顧人。（即女友照顧你？）我諗男女之間互補喇，一凹一凸就最好。」
展鵬大讚女友有諗頭，無論各方面，廚藝和服飾都是，他笑言不介意做對方白老鼠：「我啲衣着經常成為大家話柄，今晚呢身簡單打扮都係佢襯！（有咩唔係簡單嘢？）到台慶啲頒獎禮嘅衫就知會唔會出事，不過都唔關佢事，可能係我Carry唔到。」
（on.cc）
