藝人唐詩詠出席「瑞士天梭表第18屆亞洲運動會倒數25天活動」，講到好友鄭嘉穎被指跟女友陳凱琳將於下月12日在峇里結婚，問是否已準備起程？她即面有難色表示：「哎呀，未呀，身為朋友仔淨係聽指引，要我即刻飛，我咪即刻飛囉！」又坦言每個月都會向公司申請假期：「8、9月都已經攞咗長假，分別攞咗5日。（12號都攞埋？）係啦，攞咗5日囉，邊日就唔講啦，係自己放假，唔可以講咁多，呢個係佢哋嘅事，我真係唔知道，等通知，呢個階段佢哋需要好大嘅空間，交畀佢哋自己處理，我只會同佢哋講，有咩需要就同我講啦。」
怕小器唔敢亂問有喜
問到詩詠是否將在婚禮中擔任兄弟？她笑說：「我唔知成件事呀，交畀佢哋處理，等佢哋出聲，我只會乖乖聽話。（你係咪隨時Stand by？）由佢哋拍拖開始，我每日都Stand by畀佢哋，我哋大家都好希望佢哋有呢一日（結婚）。」至於他們是否雙喜臨門？詩詠說：「真係唔知道，我唔敢問，呢樣嘢好敏感，至多三個月後先問。（係咪怕小器？ ）因為我真係唔知道，所以唔敢亂問，世界上得佢哋兩個先知道，大家估下。（但係已經有讀者爆料話陳凱琳去做咗三次產檢喎！）等佢哋親口講，我唔信傳聞。」
「做朋友要兩肋插刀」
至於可有準備禮物賀老友結婚？她說：「如果真係嘅話，我就送一對錶畀佢哋，長長久久，愛是永恆。（佢哋咁低調，係咪反而影響咗身邊嘅朋友？）做朋友嘅要兩肋插刀，佢哋做咩決定都支持，始終呢個係好個人嘅事，佢哋點做，我就順應番佢哋嘅選擇，做朋友咁樣就最好。（咁你係咪8月去峇里？）你知我唔講得㗎。（係咪佢哋落咗禁口令？）你知我唔講得㗎！」
(on.cc東網)
