於演藝就讀，肆業後投考無綫藝員訓練班，由低做起。02年開始拍劇，在《皆大歡喜》中做侍衛，一做就9年，至離巢時，依然是行行企企、連對白都不多的角色，莫說過不了戲癮，連基本生活都成問題，做到心灰意冷。他說︰「喺無綫嘅日子，人工得幾千蚊，捱到離巢都係加咗千幾蚊，一萬都唔到，平時生活好慳，基本上冇娛樂，只係約中學同學打籃球消遣，連衫都唔敢買多件。嗰陣好驚收到請帖，人情公價都800蚊，惟有扮返工唔去，人哋以為你做明星好風光，其實有苦自己知。公司只會照顧啲一、二線演員，我哋呢啲唔會有人睬你。」
於無綫多飾演不起眼角色 （劇照）
捱過9年在無綫的苦日子，陸駿光12年離巢無綫，轉投港視，《選戰》、《導火新聞線》等大熱劇都有份出演，可惜港視在13年「不獲發牌」，令他男一夢碎。在當年的反對政府不發牌予港視集會中，陸駿光飾演「港版半澤直樹」諷刺時任行政長官梁振英及行會成員黑箱作業，大快人心。他當時鬱鬱不平，怒吼一句︰「你打沉我，即是打沉所有人的夢想。」令他人氣飆升，可惜無以為繼。
陸駿光在港視大熱劇集《導火新聞線》（劇照）
離開港視的5年間，陸駿光迎娶女友Sherraina過門，當時收入不穩定，兩人連擺酒都要慳，為了建立小家庭，拍拖都甚少外出，大部分日子每天慳使數十元。陸駿光在婚後試過連續幾個月冇工開，情緒如過山車，猶幸太太成為他的情緒醫生，與他風雨同路。他感恩自己能遇到生命中的天使︰「佢係我陽光，係佢叫我不要放棄。拍《東方華爾街》前，我差唔多四個月冇工開。初期我擔心、情緒化時，佢就安慰我︰『使乜擔心吖，遲啲你就有㗎啦。』」
陸駿光與太太 （資料圖片）
感激太太與他風雨同路 （資料圖片）
當時兄弟團有無綫藝人鄭俊弘同黃嘉樂 (資料圖片)
陸駿光坦言情緒問題越來越嚴重：「去到後期，我開始癲，小小事就同佢嗌交，大家情緒都激動。試過有次鬧交，我大力閂埋度門就衝落街，當時係凌晨1點鐘。嗰時我住喺大美督，一個人走咗上堤霸，點知上到去淆底，咪死死地氣返屋企，但又唔見咗老婆，原來佢落咗街搵我。佢就係咁好，無論我情緒幾差，佢都咁support我。冇咗佢，我都唔會咁堅持！」
(apple daily)
