有指其老公未辦好離婚手續，佢就話：「我哋係今年年頭結婚，嗰時都未有BB，如果未搞好離婚，咁佢咪重婚？」更指當時有行禮及擺酒，不過懷孕卻是預期中的意外。。。
女星李悅彤（Liddy）4年前因介入導演彭順婚姻，兼且屋企發生巨變受連番打擊，此後鮮有於幕前出現，近日卻被爆已婚及懷孕5個月，並於葵芳開設生活百貨店。昨日Liddy獨自看舖，並抽空接受東網訪問，腹大便便的她落手落腳蹲下執貨，相當靈活！透露今次自掏腰包幾十萬投資，雖然舖租高達10萬，但卻有信心很快回本。
佗B係預期中意外
談到有指其圈外老公乃澳門富商，兼且未辦好離婚手續，Liddy坦言不欲多談老公背景，只透露他是生意人：「我哋係今年年頭結婚，嗰時都未有BB，如果未搞好離婚，咁佢咪重婚？」
更指當時有行禮及擺酒，不過懷孕卻是預期中的意外，她謂：「本身都打算生小朋友，但冇諗係依家，所以係意外。」
無意復出
對於曾做過「小三」，問到再次投入感情有否諗清楚？Liddy表示與老公拍拖是5年內的事，更謂：「老公畀到好大信心我，所以先有信心結婚。（老公知你以前啲事？）相信有華人嘅地方都會知，咁每個人都有過去。」
問到可有後悔做過「小三」？Liddy淡然指事情已經過去，不欲再舊事重提：「人要向前望，想好好地過生活，佗B過程好辛苦，但係人生嘅新階段，期待11月預產期。」更直言暫無意復出：「幕前好忙，我依家都好多嘢搞，到真係夾到時間先諗。」
(on.cc東網)
