又話自己係完美主義者，家人都好擔心天氣問題會影響佢出嫁心情，不過佢就話心情非常好：「全日氣氛都好好，我邀請咗30人出席，全部都係最親近嘅人，所以。。。」
前有線主播可宜（Natalie）日前專程飛到峇里，參加好友郭志美（Kortnee）婚禮，Natalie盛裝出席，仲好替對方開心，佢話：「好開心，雖然天公不造美落雨，但咁樣係風雨同路，印象亦夠深刻。」Natalie又自爆蝦碌事：「去到現場，我條裙斷咗條帶，臨急臨忙之際，新郎哥爸爸有針線盒，新娘家姐幫我縫番好。呢個係細型嘅party，但好開心，全部係一對新人嘅至親。」
終於成為人妻嘅Kortnee同老公Woody亦好滿意呢個婚禮，Kortnee話睇番啲相，覺得張張相都好靚：「場地好靚，我好滿足，美中不足係落雨，有工作人員擔遮，結果好多遮海遮住場地嘅花花，搞到啲相好焗促，同埋要移師去室內擺酒。」
Kortnee又話自己係完美主義者，家人都好擔心天氣問題會影響佢出嫁心情，不過Kortnee就話心情非常好：「全日氣氛都好好，我邀請咗30人出席，全部都係最親近嘅人，所以我上台致詞時講咗好耐，有八成來賓都喊晒。」
當晚Kortnee為咗答謝來賓咁遠出席佢嘅婚禮，所以同Woody表演跳舞娛賓，令現場氣氛更高漲！
(on.cc東網)
