32歲嘅歌手吳雨霏（Kary）早前為老公洪立熙（Brian）誕下囝囝，呢日佢終於更新社交網同大家報喜。佢晒出一張捉住BB手仔嘅相，並宣佈囝囝嘅英文名叫Asher，佢提到：「遲來的報到，大家好，我叫做Asher！謝謝大家的祝福！Asher的意思是快樂和祝福，他就是天父爸爸送給我們最珍貴的禮物。」
吳雨霏幫囝囝改名Asher。
之後，Kary又講到原來生B過程經歷咗10幾個鐘，並多謝醫生護士嘅照顧，佢指：「生命真的很奇妙，從我肚子裡（裏）養育了9個月，然後搏鬥了10幾個小時後第一眼看到他，我知道我們的生命從此就不一樣。很想在這裡（裏）特別謝謝醫生和醫院的護士，從生產過程到出院一刻都好好的照顧我和BB 辛苦你們了！」並透露已經同囝囝返咗屋企喇！
Kary社交網
(on.cc)
