藝人鍾欣潼（阿嬌）向來好鍾意小朋友，婚前佢透露已經秘密雪卵，隨時Ready生B做媽媽。早前佢仲孖老公賴弘國出席聚會，為好友嘅囡囡提早慶生，順道取經學做父母做功課。
相中所見，阿嬌兩公婆肉緊攬實一對小朋友，畫面相當溫馨，驟眼睇仲以為係全家福嚟添！另一張相就見佢哋陪小朋友玩，氹到小朋友笑到見牙唔見眼，相信佢哋第時一定係好爸爸好媽媽。
至於，阿嬌亦喺社交網晒出慶生照，仲見佢錫錫壽星女，簡直係母愛爆棚！
不過相中唔見老公賴弘國嘅身影，但其中一段切蛋糕片就唔小心洩「蜜」，皆因小朋友講到多謝阿嬌時，仲話要多謝靚仔Michael哥哥，即係指賴弘國都喺現場，估計係想繼續低調佢先唔出鏡啫！
(on.cc東網)
