相信最開心梗係擔心咗好耐嘅Bob同Bob嫂啦！
藝人林盛斌（Bob）早前透露細仔林道申（Jaye）受濕疹困擾，面部同手臂都紅晒，作為爸爸嘅Bob當然心痛不已，甚至希望幫囝囝承受皮膚問題添！
幸好經過積極求醫，以及父母嘅悉心照料下，Jaye嘅濕疹情況有好轉。
Bob今日亦喺社交網宣布呢個好消息，並上載一張囝囝嘅近照，見Jaye嘅皮膚唔再一撻撻紅晒，變番白滑無瑕，真係好番好多喎，相信最開心梗係擔心咗好耐嘅Bob同Bob嫂啦！
Bob仲代囝囝多謝大家：「各位Uncle同Auntie，我好返（番）好多啦，多謝大家嘅關心，我而（依）家靚仔返（番）少少嘞！」
(on.cc東網)
