喺噚晚播出無綫財經資訊台節目《創科導航》介紹本地及外國科技發展，講解腦電波反映人類專注力，又指o依家有好多家長擔心仔女專注力，希望透過腦電波控制玩game嚟訓練小朋友專注力，幫助小朋友改善專注力唔夠或患過度活躍症等問題，不過癲癇症患者唔適用呢個方法。
睇真啲，佢就係曾演《開心樂園》、《為你鍾情》及《殺之戀》等嘅80年代索女柏安妮!唔少網民見息影25年嘅柏安妮，雖然面上留下歲月痕跡，但係仍能一眼認到，坦言人都會老，自然美同內涵先最重要，慨嘆每個人都會老。
柏安妮曾演《開心樂園》、《為你鍾情》、《殺之戀》及《咖哩辣椒》等，佢本身係中、英及馬來西亞混血兒，家境富裕，後嚟被黃百鳴賞識，加入娛圈放棄學業，柏安妮喺1985年加入新藝城，美貌驚為天人，發展順利，佢只喺娛圈逗留8年便離開，1993年拍畢《記得香蕉成熟時》淡出娛圈，曾做無印經理，之後改行做職業治療師，幾年前做埋臨床心理學家，現時係電子公司Playto創辦人之一，柏安妮同老公Calvin，育有兩個囡囡。
從影8年，Ann經過了幾個階段，初入行時跟袁潔瑩、羅美薇、陳加玲一段「開心少女組」的日子最好笑；之後到《霸王花》、《霸王女福星》的打女生涯，吃力但依然好玩；第三階段就是拍陳可辛的戲，不用打的《風塵三俠》正是一個經典。
問誰最令Ann難忘？她說：「張國榮，佢好錫我，樣樣嘢都預我一份，我到家都唔可以聽佢嘅歌，我會喊，一聽到就要熄機，因為好唔開心。」當年張國榮錄《Miss you much》這首歌時，突然打電話找她講開場的旁白，Ann至今仍記得，很惋惜對方的離開：「可能佢覺得自己要做嘅嘢做晒啦。」
Ann雖然生得靚，但在圈中緋聞少之又少，只出道時與鄭浩南拍過拖，及與梁朝偉拍《風塵三俠》時傳過緋聞，她聽到緋聞二字，笑着問：「同邊個？拍拖唔係緋聞喎，我嘅緋聞同邊個呀？」梁朝偉囉！她笑笑說：「係緋聞嚟嘅咩？」莫非是真拍拖不是緋聞？她鬼馬地答：「乜嘢為之真？同人拍戲之嘛，人哋已經同劉嘉玲啦，唔會啦，唔係好啱key喎，佢咁叻。」
(蘋果日報)
