44歲蔡少芬（Ada）同老公張晉話咁快結婚十年，步入錫婚，大女楚兒（湯圓）現年7歲，細女信兒（包子）亦已經5歲。
今日係包子嘅幼稚園畢業，張晉喺社交網貼相並留言：「今天是信兒（包子）在幼兒園的最後一天，一眨眼就兩年了，還真有點兒捨不得。不過暑假後就能和姐姐背着小書包，手牽手一起上學放學啦，內心也挺期待的。」
着天鵝裙嘅包子似足公主，由父母陪返學。（網上圖片）
相中Ada同老公齊齊陪包子返學，着天鵝公主裙嘅包子十分可愛，Ada轉貼老公帖文並寫道：「今天也是父親節的活動！真好！最後一天兩個意義！不捨但期待！」
包子咁快讀完幼稚園，張晉覺得好唔捨得。（網上圖片）
二女張信兒於2013年出生
三月信兒生日時，兩人寫道：爸爸、媽媽、姐姐都愛你，非常溫馨！
由於幼稚園有好多主題活動，之前Ada經常要D.I.Y.為囡囡炮製唔同造型，不過包子今次嘅公主look太漂亮，陳法蓉抵死留言：「張家可愛機靈的小包子一天一天長大了，今天這件美麗的天鵝服：目測不是涼涼（Ada）親手做的，為何？因為裙子很美。」
(apple daily)
