【李蘊曬BB超聲波照】網民：一定係佗…

婚後相夫教女嘅李蘊（Renee）早前喺社交網宣布再度懷有第二胎，至今已懷孕7個月左右，不過佢就仲未公布今胎係囝囝定囡囡，搞到大家都好心急想知！

呢日李蘊就喺網上晒出一張超聲波相，仲好開心話：「Hello 小胖胖！」又叫大家估吓係「小胖子定小胖妹」！

雖然李蘊唔肯講「小胖胖」性別，但見到BB嘅輪廓已經出晒嚟，有唔少網民睇張相覺得似男仔，仲搞笑話一定係肥仔，唔通李蘊湊成好字？網友亦紛紛送上祝福，希望BB要繼續健康成長呀！

(on.cc東網)