無綫演員吳博君今年三月證實患上「肌萎縮性脊髓側索硬化症」（俗稱「漸凍人症」）的疾病，其太太為照顧他而辭去工作，令家庭經濟拮据，幸好演藝圈一班有心人出手出力幫忙，令博君十分感激！其中與博君不相識的歌手薛凱琪（Fiona）亦有主動捐錢幫忙。
Fiona接受傳媒訪問時表示，因為今年她成為演藝人協會的理事，她和其他成員開了一個演藝人協會group chat。而今年演藝人協會亦將為演藝界發起不同的活動，尤其是為香港音樂界或者新人提供幫助。她說：「想做啲唔同嘅嘢，我形容為新鮮又興奮嘅project，呢個group chat係for好多唔同嘅嘢而起嘅。」
Fiona自言加入演藝人協會和開了這個協會group chat後，能知道更多有關協會的事。例如有一日，演藝人協會名譽會長曾志偉便提及到博君的狀況，由於博君曾是演藝人協會成員，Fiona認為：「我自己覺得只要係演藝人協會、幫過電影界嘅，其實基本上全部人都係屬於一個家庭嚟嘅，因為大家都係從事香港電影行家。我基本上係唔識佢本人（吳博君），知道呢件事後，只係捐咗少少錢畀佢，呢啲錢做到、幫到佢啲乜，或幫佢幾耐我唔知，最緊要係畀佢覺得有人愛佢，當然最愛佢嘅係佢屋企人啦！呢啲錢畀到有需要嘅人一個希望，人最需要係知道被愛同有希望。」Fiona又指除了她之外，曾志偉亦有出錢出力，而他在group chat中亦提及了很多不同的個案，但涉及到如何運用資金及受惠者等就交由志偉去選擇。
Fiona覺得最開心的並非博君得到經濟資助，而是他感受到愛和關心，她說：「我會喺個group chat度繼續follow番佢嘅狀況係點，或者佢需要嘅唔係錢，而係物資、任何關懷都好，我都會follow up。我好希望任何演藝界嘅每一位，都會感覺到我哋演藝人協會係全力支持大家同埋愛護大家。」
(on.cc)
