「我請在座各位見證，從今天開始，無論是順境或是逆境，富有或貧窮，健康或疾病，我將永遠愛你、珍惜你直到地老天長。」——前無綫綠葉吳博君，今年三月患了罕見運動神經細胞疾病（MND、俗稱「漸凍人症」），太太實踐了結婚諾言，對他不離不棄，矢志不移！
吳博君與太太結婚11年 （圖片：蘋果日報）
61歲的吳博君，與太太結婚11年，兩夫婦住在舊區荔景邨，雖然生活不富裕，但平凡幸福。他說：「我哋冇仔女，比較遲結婚，我哋睇波嘅時候識。」說起患難與共的太太，吳博君難忍激動說：「佢好辛苦，撲嚟撲去，探病時間一日去兩次醫院，我見到佢咁辛苦，我都好唔舒服。佢喊咗好多次，返到公司對住同事都係咁喊，依家佢冇做嘢啦，冇辦法，辭咗份工嚟睇住我，變咗好無可奈何。」
（圖片：蘋果日報）
之前吳太任職普通文員，月入萬多元，今年4月辭掉工作，全心全意照顧患病老公，吳博君感激太太不離不棄：「我感覺到佢係唔會離開我，佢真係好好，其間咁辛苦撲嚟撲去，一啲怨言都冇。有呢個病，覺得好絕望，同太太交帶身後事，我都冇希望喇，唔知呢個病會維持幾耐！」訪問這天，吳太如常陪老公到樓下公園做運動，見到老公情況日漸好轉，吳太開心說：「佢之前衫鈕都扣唔到，鞋帶都綁唔到！」博君輕吻太太面頰，濃情化不開。
太太患難與共（圖片：蘋果日報）
（apple daily）
