40歲嘅台灣女星徐熙娣（小S）就似乎頂唔住，佢今日凌晨突然喺facebook怒吼「我受不了」，又爆粗表示「我退出」！而今次小S發表「退出宣言」，網民就留言叫佢唔好咁辛苦，讚佢。。。
Keep Fit係女人終身事業，更何況要成日見人嘅女藝人？不過下個月40歲嘅台灣女星徐熙娣（小S）就似乎頂唔住，佢今日凌晨突然喺facebook怒吼「到底要多瘦！我受不了」，又爆粗表示「我退出」！小S突然醒覺唔應該只為咗追求瘦同美再瘋狂減肥，不斷晒啲比堅尼相、運動相呃Like，又叫大家做自己，唔好再P圖！
小S上載咗張素顏笑容滿面嘅相，留言：「到底要多瘦！我受不了了，每個女人都在炫耀自己的身材，我也是，但他X的到底要多瘦！人的一生只為了追求瘦跟美，我退出！比基尼（比堅尼）照片，瘋狂運動的照片，到美景拍一些別人不想看的照片！我受夠了，我要做我自己，不發狂，但我要照著（着）自己的腳步走，誰問我：胖了喔！我會說：干你屁事！去看看你的身材吧！還有不要再美圖！面對你自己吧！」
小S早前因為老公許雅鈞一句話「為甚麼沒有人魚線？」而令佢加入減肥行列，以往仲不時喺社交網分享瘦身心得，之前佢就分享過減肥晚餐，但食物全都係白烚，分量極少，只有幾條菜幾塊肉！
而日前佢同38歲嘅張栢芝一同出席活動，就被網民比較話「高下立見」，又指小S臉腫！
而小S隔幾日就喺facebook示範瘦雙下巴方法，但又畀網民笑，但小S就話「認真的」！
而今次小S發表「退出宣言」，網民就留言叫佢唔好咁辛苦，讚佢身材比例已經好好，唔需要刻意減，最緊要健康同開心，做自己就得！
(on.cc東網)
