藝人葉翠翠依家佗住第二胎就快9個月，之前佢仲透露已經執好「走佬袋」，睇嚟佢隨時生得！昨日（29日）佢就喺社交網上載一張BB嘅超聲波相，留言話自己有機會晚上生B：「去了檢查，一切非常順利！需（雖）然未到預產期，但胎兒已經有6磅，醫生還說如果萬一有咩事今晚就要生，已經好安全不用擔心，我個心都定啲，希望到時bb出世有8至9磅。相中見到bb面珠好肥。。。眼大大同我好似（心理作用）。」
翠翠仲留言話自己一直都有同大家分享長胎不長肉嘅餐單：「是標準磅數但重磅bb，而不是媽媽超磅 （重超過30磅），bb重磅。當然都好過媽媽超磅，bb輕磅。各位要努力！」
(on.cc東網)
