【好好聽啊！】余文樂囝囝中文名叫做…

藝人余文樂（樂仔）早前就由「型男」榮升做「型爸」，不過工作忙碌嘅樂仔好多時都唔可以陪住囝囝Cody，搞到佢成日都心掛掛。

今日樂仔就喺社交網甫出囝囝嘅近照，並且公布咗Cody嘅中文名叫做「余初見」，而呢一個咁有詩意嘅名仲係由自著名填詞人黃偉文幫佢改㗎添！

樂仔留言：「人生若只『余初見』多謝Uncle Wyman幫我改一個這麼有感覺的中文名。」唔少網民都話Cody嘅中文名簡單得嚟又特別，而且仲好有氣質添！

(on.cc東網)