【網民大讚林媽媽好有氣質】林凱恩真係超乖女！

前港姐林凱恩憑處境劇《愛．回家之開心速遞》成功入屋，儲落唔少粉絲，不過講到最忠實嘅粉絲，梗係佢背後嘅女人林媽媽啦！

呢日林凱恩趁唔使開工，做孝順女陪媽咪出街，仲喺社交網晒母女合照。相中見到佢哋搭膊頭溫馨合照，林媽媽仲做埋御用攝影師，幫個女影咗好多張長腿照。

之後佢哋搭地鐵離開時，亦不忘玩自拍，認真貪靚！

隨後林凱恩感性留言表示：「跟她一起少女心，跟她拍拖，是我的職責。備註：她是我最忠實的支持者。」唔少人都大讚林媽媽好有氣質，果然有其母必有其女！

(on.cc東網)