前日5月20日，一個有着特別意義嘅日子，兩人被傳媒發現約會，離開時刻意低調，今日男方終於公開認愛，喺facebook貼出肩並肩嘅背影照坐，兩人坐喺山丘上睇風景，幾咁浪漫，但最重要係tag咗。。。
27歲大馬女神林明禎最近被爆出有新戀情，對方係25歲台灣男演員張軒睿，兩人前年因為合作拍電視劇《狼王子》而認識，上年張軒睿為林明禎新歌MV《不是不愛》當男主角，開始建立起交情。
前日5月20日，一個有着特別意義嘅日子，兩人被台灣傳媒發現喺茶館約會，離開茶館時刻意低調，明禎戴帽同黑色口罩，衣着打分亦好隨便，而男方亦戴咗同款黑色情侶口罩，前後腳離開時，仲搵埋身邊嘅助手做掩護。而又有讀者爆料話上星期目擊佢哋喺華山拍拖。
今日張軒睿終於公開認愛，喺facebook貼出同明禎肩並肩嘅背影照坐，兩人坐喺山丘上睇風景，幾咁浪漫，但最重要係tag咗林明禎個名，用咗個紅心圖案，留言：「I’ll always be here for you （我會永遠在你身邊）」
除咗網民為一對戀人送上祝福外，軒睿好友溫貞菱亦有留言，仲引用得過諾貝爾獎，被譽為「詩歌界的莫札特」嘅波蘭詩人辛波絲卡（Wislawa Szymborska）嘅一句:「不用仰起頭，也能看見天空」，同樣為好友送上祝福。
林明禎經理人噚日回覆傳媒，冇否認二人拍拖：「明禎謝謝大家的關心。公司這邊的回應跟過去一樣，對明禎沒有禁愛令，感情方面本來就是私領域，也謝謝媒體及粉絲的關心，明禎工作沒有間斷一直在忙，希望她可以開開心心過每一天。」
