上年離婚，兩人稱分開不涉第三者，主因係性格不合，之後傳女方喺離婚前有努力挽救婚姻，不過最終都係唔成功，回復單身後，被法籍廚師Olivier力追，喺囡囡支持下，決定展開戀情。
梁芷珊同男友Olivier正喺熱戀期，敢於重投愛情，噚日佢喺IG罕有貼出與男友合照，不過男友Olivier只做「影後」，梁芷珊展露甜笑，原來佢哋o依家蜜運台北，相中見二人身在饒河夜市旁邊嘅松山慈佑宮留影，睇嚟感情幾穩定，之後佢哋去咗嘆日本菜，梁芷珊食最愛嘅海膽，即「相機先食」，幸福咁喺網上留言打出兩個心形符號，朋友見梁芷珊蜜運中，有愛情滋潤，不禁讚佢「變回以前那樣漂亮」、「容光煥發」、「笑得好甜」。
（Facebook / apple daily）
