無綫藝人張頴康同老婆麥雅緻去年10月再做父母，囝囝「小花生」出世，兩人成功湊夠好字！
努力搵奶粉錢嘅張頴康，呢日喺社交網上載咗張「美女與野獸」合照，原來係仔女着上公仔衫玩Cosplay，不過入行17年嘅張頴康就慨嘆其實做咗咁多年戲，只係遇過幾個角色真係鍾意！
佢留言：「小花生，乜嘢角色都做吓啦！爸爸做咗咁多年，都係遇過幾個真係好鐘（鍾）意嘅角色咋！其實家姐好錫你，自己做女主角，都安排咗個男主角俾（畀）你做吖，爸爸喺屋企，做嚟做去都係壞人呀，怪獸呀咁咋！」網民都笑言：「老豆（竇）無人權系列」，仲問佢：「咁可唔可以分享下（吓）你最中意做咩角色啊？」
(on.cc東網)
