於5月8號凌晨病逝，佢擅長演小人物角色。他亦曾於周星馳主演的《新精武門1991》入面，飾演。。。
「我上月左右去探過佢，佢上月精神都ok，但對答係有啲唔係咁清晰，之後我一路都忙，冇去探佢。到昨日朝早收到消息(離世)。聽老人院姑娘講，話佢情況唔係咁好，成日要出入醫院，但太詳細我都唔係太清楚。」
年屆70多歲、人稱「米奇」的資深影星吳振東，於5月8號凌晨病逝。姜皓文曾於上月探望對方，姜皓文今日接受《蘋果》電話訪問時證實死訊，他說﹕「我上月左右去探過佢，佢上月精神都ok，但對答係有啲唔係咁清晰，之後我一路都忙，冇去探佢。到昨日朝早收到消息(離世)。聽老人院姑娘講，話佢情況唔係咁好，成日要出入醫院，但太詳細我都唔係太清楚。」有指演藝人協會會幫忙籌辦喪禮，姜皓文說﹕「我都唔清楚，身後事應該佢家人都會搞緊，等待之後有咩消息。」
姜皓文與米奇於九十年代已認識，姜皓文大讚米奇為人樂觀、照顧朋友，他說﹕「我哋識咗好耐，以前一齊做亞視綜藝科節目，大姐明啲『乜都有』搞笑系列已經認識，一齊開工一齊做同事，合作無間。之後少咗接觸，但佢份人好有心，佢係好開心、樂觀同照顧朋友嘅一個人，大家分開咗，但佢都會打電話問候吓朋友，一個好好嘅前輩朋友。」
與米奇分屬好友的「香港動作特技演員公會」張永漢受訪時，稱演藝人協會將負責籌辦喪禮：「我都收到消息，佢前妻都有探過佢。（知佢病情？）知佢入過幾次院，第一次佢係心臟有事入院，第二次佢係哮喘、腦退化兼中風，佢精神有啲亂認唔到人，第三次我就冇探，不過聽聞佢嘅情況更加嚴重，所以入咗醫院！（後事如何？）演藝人協會會幫佢搞喪禮。」
入行多年的米奇，曾演過《A計劃續集》、《再起風雲》、《無敵幸運星》、《紅燈區》、《扭計雜牌軍》等電影，擅長演小人物角色。他亦曾於周星馳主演的《新精武門1991》入面，飾演去霍家踢館的日本人。
(蘋果日報/on.cc東網)
