上年12月同29歲女模特兒奉子成婚後，女方叠埋心水嫁雞隨雞，搬咗嚟香港同老公一齊生活。
初時女方都好小心，冇放過孕照上ig或者fb，不過3月就承認老婆係有咗BB，老婆跟住都好大方，周不時上載大肚相。依家大住個肚，等6月待產，閒來冇嘢做，接待下朋友、睇下戲之外，佢有時間都會去行吓街。
日前一個下午，余文樂老婆Sarah就一個人去咗金鐘太古廣場行街，余文樂唔喺佢身邊，見Sarah一個人喺度周圍睇，後來入咗Cova餐廳睇蛋糕，揀咗5分鐘，終於買到一個蛋糕帶走。
之後Sarah繼續Window Shopping，睇咗一陣冇乜啱心水，佢就打電話聯絡司機嚟接佢離開。
（apple daily）
