問到貝貝似邊個？爸爸就話：「暫時覺似太太，囡囡聲出嚟先，佢把聲好雄厚，我聽到囡囡把聲似太太。」佢話知道老婆產後好攰：「佢生時眼淚不斷流，但唔可嗌出聲，要留力生，我又分擔唔到佢痛，我好心痛。」
現年29歲、由o靚模轉行做空姐嘅「E Cup Baby」劉欣宜，前晚仲喺Instagram呻陣痛待產，昨日佢個音樂人老公陳子敏就向《蘋果》報喜，佢話老婆順產為佢生咗6.7磅囡囡，自囡囡喺媽咪肚中，佢哋已為佢改乳名叫貝貝，母女平安。
劉欣宜產前兩周才拍大肚寫真，當時佢喺如籮巨肚上寫上「Loading…..95%」，非常搞笑，意思係話佢隨時入院「卸貨」。升呢做爹哋嘅陳子敏今日接受電話訪時話：「母女平安，我當然好興奮同緊張，太太咁努力同我生女，我覺得女人真係好偉大，好感恩，好支持佢，太太比我想像中捱得痛，佢平時對住我好嗲，但我喺產房現場睇到，佢真係好捱得痛。我當時覺得做唔到乜，只能支持同為佢做按摩，等佢可紓緩吓。」
一家三口相，劉欣宜產後好精靈，仲識瞇眼嘟嘴賣萌，問到貝貝似邊個？陳子敏話：「暫時覺似太太，囡囡聲出嚟先，佢把聲好雄厚，我聽到囡囡把聲似太太。」陳子敏話知道老婆產後好攰：「佢生時眼淚不斷流，但唔可嗌出聲，要留力生，我又分擔唔到佢痛，我好心痛。」
而劉欣宜接受《蘋果》訪問時話，今次係由佢堂哥替佢接生，佢話：「堂哥幫我接生，多謝一班醫護人員照顧，我冇吸氣就生咗。」
(蘋果日報)
