吳千語一直獲黃百鳴力谷上位，演第一套戲《開心魔法》就做女主角「程美斯」，亦不時出席公開活動，不過之前恃住有「峯嫂」光環，好似過「半退休」生活咁，好少見佢喺幕前演出，加上嗰時有林峯經濟支持。
最近出席活動都心不在焉，明顯受分手影響。
近排同林峯掟煲後，有傳千語BB同百億富三代施伯雄過從甚密，而林峯亦都收拾心情，轉投27歲大陸車模張馨月嘅懷抱，據報道指以前千語BB一年拍三套戲，o依家一年拍得一套戲，演技有待進步、再講同林峯分手後，人氣下跌，有傳千語BB開工成日因私事影響表現，令黃百鳴疊埋心水，力捧Stephy，一口氣同Stephy簽咗五套片約，眼見Stephy演技瞓身，又好乖好聽話。
Stephy 近年電影事業發展順利！
34歲鄧麗欣(Stephy)出道17年，由演2002年《九個女仔一隻鬼》首次做女一之後，Stephy就同時兼顧唱歌及拍戲，今年憑《空手道》入圍香港電影金像獎「最佳女主角」最後五強，演技水平開始受行內人認同，今日有周刊指黃百鳴打算力捧Stephy，曾經係林峯好愛好愛嘅千語BB瞬間失寵。
《空手道》電影劇照
（Apple Daily）
