【女人最痛！】畀心愛男人呃錢 仲冇埋個BB…即場喊爆

藝人李美棋（牛雜妹、Monnie）、張敬仁（Kendy）及安俊豪最近參與一連五場的舞台劇《蓉姐做的湯圓》，與吳沅儀、李思欣及林作合作，趁機會磨練演技。Monnie飾演「蓉姐」吳沅儀的年輕版，她直言今次難度甚高因為要即場爆喊，獲導演、演員及觀眾讚賞，她說：「劇情比較悲傷，我畀心愛男人呃錢，仲冇埋BB，我要喺台上即場喊出嚟，四日五場都要喊，其中一日要喊足兩次，都開心得到好好嘅評價，好多觀眾畀我帶動到情緒，仲同我一齊喊。」導演更笑言或會開拍舞台劇前傳，Monnie表示心情興奮，希望可繼續參與，會好好裝備自己，不會令大家失望。

至於安俊豪飾演思欣胞兄，Kendy是其女友，表演期間不乏蝦碌事件，最搞笑是安俊豪曾坐爛櫈，又試過走錯位，明明要行入廚房卻行錯入睡房。