阿嬌早前宣布已答允台灣醫生男友Michael求婚，雖然還未定婚期、婚禮場地等細節，但大家都非常關心其婚禮籌備情況，而阿嬌亦不時提到對婚禮的要求，日前就講明不會戴金豬頸鏈。
雖然阿嬌忙到冇時間搞婚事，但未婚夫Michael就緊張籌備，更對婚禮場地布置有一些建議，可惜阿嬌的評語相當麻麻：「Michael曾經Send咗啲相畀我，話想咁樣布置，係一個亭，有啲紅色嘅花，都幾恐怖，好似鬼新娘！」阿嬌性格一向爽直，把婚禮場地布置聯想成鬼地方也直說出來，果然百無禁忌！
「生完仔咪繼續做」
阿嬌又指一定會在香港擺酒，台灣方面可能與當地親友及朋友吃飯慶祝。問到婚後Twins合體工作的機會會否減少？阿嬌說：「呢啲唔係我哋問題喎！結咗婚都仲係Twins！」阿Sa則表示人生有不同階段，阿嬌更說：「冇理由公司阻我生仔嘅，咁嘅年紀啦，生完仔咪繼續做囉！」問到阿嬌婚期將至，何時到好姊妹阿Sa結婚生B？阿Sa笑稱：「你話生就生咩！我哋叫Twins，話生就生Twins咩！」阿嬌又再大玩金句：「你估生Twins就生Twins咩！」至於二人可有關心容祖兒分手？阿Sa說：「大個女㗎啦，佢會識諗！」阿嬌則透露見過祖兒，指她OK！
阿嬌同阿Sa分享未婚夫賴弘國對婚禮的意見。
（on.cc）
