【 繼續生B！】前港姐唔封肚 結婚嘅時候大家已有共識！

正佗住第三胎的前港姐陳倩揚，為東網巨星最新一集「海馬牌床褥特約」《閨蜜睡房》擔任嘉賓，與主持俞詠文（Angela）分享她的家庭樂，陳倩揚表示兩個囝囝知道屋企將會有新成員，她笑說：「細佬好sweet，朝早一瞓醒覺擘大眼就BB、BB，佢會伏喺度，有時我都要小心啲，佢好熱情，好大力，佢仲話聽到bulu bulu聲，每一日我一返嚟哥哥、細佬都會爭住攬我，好得意。」

陳倩揚坦言這一胎是計劃之中，她的感覺是好幸福，因為她與老公都好鍾意熱鬧大家庭，她說：「結婚嘅時候都有共識，至少生兩個，仔同女對我嚟講真係冇所謂，最緊要BB一切正常、健康，生女係大家都好期望發生嘅結果，成件事就會好圓滿。」屬於天秤座的她好鍾意整數、雙數，所以她不排除再生，她笑說：「當然要睇吓自己年紀，到時再睇吓生活同感覺先。」

感性的陳倩揚跟理性的老公性格好極端，但兩人走在一起已經十五年，生活上經過很多磨合，在管教子女方面，雖然兩人的方法不同，慶幸大家的理念一致，她說：「我鍾意傾吓講吓，但爸爸比較惡，容忍度冇咁高，佢認為做得唔啱就要罰，我哋有共識嘅，唔會干涉大家教仔方法，適當時間會互相調位、閃開。」港姐出身的倩揚，形象高貴大方，想知道她對新一代港姐的睇法以及她與老公的戀愛史，記得本星期五、六、日收睇《閨蜜睡房》喇！