年僅11歲嘅混血少年Alex(又名「翔」)，近年忽然成網絡紅人，自2016年底開Instagram至今，已有十幾萬follower，尤其當人氣女星桐谷美玲上節目自爆係佢粉絲後，令到翔仔即備受注目，桐谷美玲仲話平時放假都會睇翔仔嘅Ig治癒一下，上年開始已有超過10間公司向佢招手，結果由松嶋菜菜子所屬嘅seventh avenue事務所，據講話係seventh avenue社長親自飛往美國靠誠意打動才斟得翔仔簽約成旗下藝人。
呢位混血少年Alex，又名翔。
佢擁有德國及日本血統，目前居於洛杉磯。
翔仔成為松嶋菜菜子小師弟，本月出道。
擁有德國及日本血統嘅翔仔居於美國洛杉磯，今日宣佈入行發展，仲會以模特兒姿態參與本月31日假橫濱舉行嘅「TOKYO GIRL COLLECTION 2018 SPRING/SUMMER」，到時盛會安排山田優、土屋Anna、櫸坂46、美國青春索模Celine Farach等出席，登美丘高校舞蹈部隊長伊原六花都會處女登場。翔仔風頭越來越勁，當日本傳媒昨日紛紛報道佢將出道消息，其Ig追隨者即速破14萬大關，未夠24小時更激增2.5萬fans，截至今日中午已多達16.5萬個follower。
桐谷美玲都話靠睇翔仔Ig治癒。
(蘋果日報)
