藝人寶珮如（Baby）日前到電台接受訪問，Baby憑電影《藍天白雲》入圍本屆金像獎最佳女配角，當主持人問到拍攝沉重題材的電影會否影響到她的情緒，她說靠住信仰就不會怕：「好多人都有問我呢個問題，但係我又真係冇畀套劇影響到心情，加上我喺戲入面成日都拜神燒香，取景嗰度又有條長長嘅走廊，感覺都幾陰森，如果係以前我冇信仰就真係會驚，但係依家我唔會。」
她又談到為拍造套戲要減磅減至八十多磅：「導演話我個樣唔夠老唔夠殘，因為我做嘅係一個老公對我好衰嘅賣菜婆，所以我同化妝師講話可以喺塊面度搽多啲膠水整到殘啲，我自己就每朝打一杯果汁，食一條蕃薯來減肥，拍完套戲老公都即刻叫我食番多啲嘢養番肥少少！」
佢為咗套戲要減到得番80幾磅！
原來係因為佢畀導演嫌佢唔夠老同殘！
(東方日報)
